मान्य ठरवूनही सोडता येत नाही हात ;
हटकून बदलता येत नाही वाट ..
पण ;
सुटलाय हाताला घाम
थांब जरा; सोड हात
घेउ दे श्वास मोकळा
हवं तर धरु अबोला
चालताना पायच्या भेगांमधुन
झिरपत चाललंय आयुष्य
ठिबकतंय दु:ख अखंड
गंजलेल्या नळासारखं
रोज रोज तीच पडझड
पुन्हा पुन्हा डागडुजी
तेच तेच ओरबडणं
पुन्हा उगाच मलमपट्टी
ऐक माझं इथंच थांबू
ठरवून सोडू हात
तुझं माहीत नाही
मी मात्र बदलतोय वाट , हटकून !
-अनिल बिहाणी
No comments:
Post a Comment